Karriearabagadallama bálvalusat ja doaimmat galget olbmuid veahkehit, beroškeahttá agis ja eallináiggis, válljet oahpu, oahpahusa ja barggu, ja hálddašit iežaset eallima.

Bálvalusaid sáhttá fállat skuvllain, universitehtain ja allaskuvllain, oahpahusásahusain ja bargomárkanfálaldagaid bokte, bargosajiin, eaktodáhtolaš dahje priváhta surggiin.

Daid sáhttá fállat ovttaskas olbmuide dahje joavkkuide, seamma lanjas dahje gáiddusfálaldahkan (telefovnna ja neahttabálvalusaid bokte). Das leat mielde dieđut (prentejuvvon, neahtas dahje eará), guorahallamat, bagadallanságastallamat, karriearaovddidankurssat ja –prográmmat (veahkehit olbmuid ovdánahttit iežaset dihtomielalašvuođa, fuomášahttit vejolašvuođaid ja karriearahálddašangálggat), oanehiskurssat (buohtastahttit molssaeavttuid ovdal válljejumiid), bargoohcankurssat ja veahkki nuppástuhttináigodagas.