Karriearabagadallama ehtalaš njuolggadusat maid fylkkaid karriearaguovddážat fertejit čuovvut

Karriearabagadalli fágaduogáš ja iešipmárdus

  • Karriearabagadalli ovddasvástádussii gullá alcces fuolahit ođđaseamos fágamáhtu
  • Karriearabagadalli galgá dihtomielalaš das ahte sus lea fápmu ja galgá vuollegašvuođain ja rabasvuođain bagadallat, ja ovddidit luohttámuša
  • Karriearabagadalli galgá maid smiehttat makkár bargovugiid son geavaha go okto bagadallá ja go bagadallá earáiguin ovttas

Karriearabagadalli rolla ja barggut

  • Karriearabagadalli ovddasvástádussii gullá jođihit ja struktureret ságastallama, ja fuolahit ahte rollat ja ságastallama ulbmil čielggaduvvojit
  • Karriearabagadalli galgá láhčit dili nu ahte son gii dárbbaša ráđiid beassá guorahallat iežas dárbbuid, beroštumiid, resurssaid, vejolašvuođaid ja hástalusaid
  • Karriearabagadalli galgá, jos ságastallamis ovddiduvvojit dakkár áššit mat eai gula bagadalli fágasuorgái, fuomášahttit su gean son bagadallá ahte sus lea vejolaš ohcat veahki eará olbmuin ja áššedovdiin

Karriearabagadalli ovddasvástádus veahkkedárbbašeddjiid ektui

  • Karriearabagadallis galget alo leat ođđaseamos dieđut oahppovejolašvuođain ja servodaga gelbbolašvuođadárbbus, ja son galgá gaskkustit movt oahppo- ja bargovejolašvuođaid sáhttá suokkardit
  • Karriearabagadalli galgá álo vuhtiiváldit su gean son bagadallá, ja váruhit ahte ii ovddit iežas oaiviliid dahje earáid beroštumiid bagadallamis
  • Karriearabagadalli jávohisvuođageasku,  galgá diđolaš das movt sosiála mediaid geavahit

Karriearabagadalli jávohisvuođageasku, dokumentašuvdnavuogádat ja bealátkeahtesvuohta

  • Karriearabagadallis lea jávohisvuođageasku
  • Karriearabagadalli ovddasvástida ahte dokumentašuvdnavuogádat doaibmá nu ahte veahkkedárbbašeaddji persovdnadieđut suodjaluvvojit
  • Karriearabagadalli ovddasvástádus lea árvvoštallat iežas bealátkeahtesvuođa, ja jos lea dárbu ja ulbmillaš, ráđđádallat hoavddain, ráđđádallat hoavddain, bargoustibiin dahje veahkkedárbbašeddjiin,

Karriearabagadalli geatnegasvuohta lea čuovvut ehtalaš njuolggadusaid ja diđolaččat daid geavahit bagadallamis. Jos bagadallis lea eahpádus ehtalaš njuolggadusaide, de galgá son digaštallat daid bargoustibiin dahje jođiheddjiin. Jođihangotti ovddasvástádus lea láhčit dili ehtalaš njuolggadusaid digaštallamiidda ja čuovvoleapmái.